नंदूरबार l प्रतिनिधी
नंदूरबार येथील महिलेचा विनयभंग करणाऱ्या आरोपीला न्यायालयाने 3 वर्ष सश्रम कारावास व 10 हजार रुपयांच्या दंडाची शिक्षा ठोठावली आहे.
याबाबत अधिक माहिती अशी की, नंदुरबार शहरातील एका महिलेचा विनयभंग केल्याप्रकरणी महिलेच्या तक्रारीवरुन नंदुरबार शहर पोलीस भा.द.वि. कलम 354 (अ), 509 प्रमाणे दि. 10 नोव्हेंबर 2019 रोजी आरोपीताविरुद् गुन्हा दाखल करण्यात आला होता.
सदरचा गुन्हा महिलांविषयक गंभीर स्वरुपाचा असल्याने गुन्ह्यातील आरोपी चंद्रशेखर मुरलीधर भस्मे रा. नुतन हायस्कुल समोर, नंदुरबार यास दिनांक 11 नोव्हेंबर 2019 रोजी तात्काळ अटक करण्यात आली होती.
नंदुरबार शहर पोलीस ठाण्याचे पोलीस उप निरीक्षक प्रियदर्शनी थोरात यांनी सदर गुन्ह्याचा अत्यंत शास्त्रोक्त पध्द्तीने तपास करीत महत्वाचे पुरावे जमा केले होते. तसेच गुन्हा दाखल झाल्यानंतर आरोपी चंद्रशेखर मुरलीधर भस्मे याच्या विरुद्ध दोषारोपपत्र मुख्य न्यायदंडाधिकारी, नंदुरबार यांचे न्यायालयात सादर केले होते.
मुख्य न्यायदंडाधिकारी, नंदुरबार विनोद चव्हाण यांनी साक्षीदारांचे जबाब, पंच, आणि परिस्थितीजन्य पुरावे तपास अधिकारी यांची साक्ष, सरकारी पक्षाचा युक्तीवाद यासर्व बाबींचा विचार करुन आरोपी चंद्रशेखर मुरलीधर भस्मे रा. नुतन हायस्कुल समोर, नंदुरबार यास 3 वर्ष सश्रम कारावास व 10 हजार रुपये दंडाची शिक्षा सुनावली आहे.
सदर गुन्ह्याचा तपास नंदुरबार जिल्ह्याचे पोलीस अधीक्षक पी. आर. पाटील, नंदुरबार विभागाचे उप विभागीय पोलीस अधिकारी सचिन हिरे, नंदुरबार शहर पोलीस ठाण्याचे पोलीस निरीक्षक रविंद्र कळमकर यांचे मार्गदर्शनाखाली नंदुरबार शहर पोलीस ठाण्याचे पोलीस उप निरीक्षक प्रियदर्शनी थोरात यांनी केला असून न्यायालयात खटल्याचे कामकाज अभियोग पक्षातर्फे सहाय्यक सरकारी अभियोक्ता ॲड. सुनिल पाडवी यांनी पाहिले होते. पैरवी अधिकारी म्हणुन पोलीस उप निरीक्षक राहुल भदाणे, पोलीस हवालदार गणेश धनगर, मनोज साळुंखे, पोलीस नाईक गिरीश पाटील यांनी कामकाज केले आहे.
तपास अधिकारी व त्यांच्या पथक तसेच विशेष सरकारी वकील यांचे नंदुरबार जिल्ह्याचे पोलीस अधीक्षक पी. आर. पाटील, अपर पोलीस अधीक्षक निलेश तांबे, नंदुरबार विभागाचे उप विभागीय पोलीस अधिकारी सचिन हिरे यांनी अभिनंदन केले आहे.
