सायबर कॅफेतून लायसन्स बनवून फसवणूक केल्याप्रकरणी दोघांविरोधात गुन्हा

नंदुरबार l  प्रतिनिधी

नंदुरबार शहरातील बसस्थानक परिसरातील सायबर कॅफेतून खोटे दस्तवेज बनवून शासनाची फसवणूक केल्याप्रकरणी दोघांविरोधात गुन्हा दाखल करण्यात आला आहे.

याबाबत पोलिस सूत्रांनी दिलेल्या माहितीनूसार, नंदुरबार शहरातील बसस्थानक परिसरात असलेल्या एका सायबर कॅफेतून पांडूरंग रविंद्र पाटील (रा.भादवड ता.नंदुरबार) व मुकेश पवार या दोघांनी खोटे दस्तवेज (लायसन्स) बनवून ते खरे असल्याचे भासवून शासनाची फवणूक केली.

याबाबत सहाय्यक पोलिस वाहन निरीक्षक रोहन नितीन जाधव यांच्या फिर्यादीवरुन नंदुरबार शहर पोलिस ठाण्यात दोघांविरोधात भादंवि कलम ४२०, ४६५, ४७१, ३४ प्रमाणे गुन्हा दाखल करण्यात आला आहे. पुढील तपास पोलिस निरीक्षक रविंद्र कळमकर करीत आहेत.