नंदुरबार l प्रतिनिधी
शिवजयंती निमित्त उद्या रविवारी श्री छत्रपती शिवाजी महाराज नाट्य मंदिराच्या अश्वारूढ शिवरायांच्या पुतळ्याजवळ आमदार चंद्रकांत रघुवंशी मित्र मंडळाच्या वतीने लेझर शो चे आयोजन करण्यात आलेले आहे. शिवप्रेमी नागरिकांनी सहभागी व्हावे असे आवाहन शिवसेनेचे नेते तथा माजी आ. चंद्रकांत रघुवंशी यांनी केले आहे.
नंदुरबार शहरात शिवजयंती निमित्त सर्वत्र तयारीला वेग आलेला आहे. युवकांमध्ये शिवजयंतीच्या मोठा उत्साह पाहायला मिळत आहे. जयंती उत्सव मोठ्या धुमधडाक्यात साजरी व्हावी यासाठी आमदार चंद्रकांत रघुवंशी मित्र मंडळाच्या वतीने शहरातील श्री छत्रपती शिवाजी महाराज नाट्य मंदिराच्या अश्वारूढ शिवरायांच्या पुतळ्याजवळ लेझर शोचे उद्या रविवार,दि.१९ फेब्रुवारी रोजी सायंकाळी ६ ते रात्री ११ वाजेपर्यंत आयोजन करण्यात आले आहे.
लेझर शोचा आकर्षण रंगबिरंगी विद्युत रोषणाई व दिव्यांच्या झगमगटाने शिवरायांच्या पुतळा परिसर आकर्षण ठरणार आहे.कार्यक्रम यशस्वी करण्यासाठी शिवप्रेमी नागरिकांनी उपस्थिती दर्शऊन रयतेचे राजे श्री छत्रपती शिवाजी महाराज यांची जयंती उत्साहात साजरी करावी असे आवाहन शिवसेनेचे नेते तथा माजी आ.चंद्रकांत रघुवंशी यांनी केले आहे.
