नंदुरबार l प्रतिनिधी
महाराष्ट्र राज्य महाविद्यालयीन शिक्षकेतर कर्मचारी महासंघाचे आदेशानुसार व उत्तर महाराष्ट्र महाविद्यालय शिक्षकेतर कर्मचारी महासंघ जळगाव विभाग यांच्या आवाहनानुसार नंदुरबार येथील जी.टी.पाटील महाविद्यालयातील संघटनेचे सभासद असलेले सर्व शिक्षकेतर कर्मचारी यांनी शासनाच्या आडमुठ्या आणि उदासीन धोरणाच्या निषेधार्थ आज 16 फेब्रुवारी रोजी जी. टी. पाटील महाविद्यालयाच्या आवारात एक दिवसीय लाक्षणिक उपोषण केले.
यावेळी उपस्थित शिक्षकेतर कर्मचाऱ्यांनी खालील मागण्या शासनाकडे मंजूर व्हाव्यात म्हणून संपात सहभागी झाले
सुधारित आश्वासित प्रगती योजना लागू करणे व अन्यायकारक शासन निर्णय 7 -12 -2018 व शासन निर्णय 16 -2- 2019 रद्द करणे, सातव्या वेतन आयोगात तीन लाभाची 10 -20 -30 सुधारित सेवांतर्गत आश्वासित प्रगती योजना लागू करणे, महाविद्यालयीन रिक्त असलेले शिक्षकेतर कर्मचारी पदे तात्काळ भरण्यासाठी मान्यता देणे, एक नोव्हेंबर 2005 नंतर नियुक्त झालेल्या शिक्षकेतर कर्मचाऱ्यांना जुनी पेन्शन योजना लागू करणे वरील प्रमुख मागण्यांसाठी आज एक दिवसीय लाक्षणिक उपोषण जी.टी. पाटील महाविद्यालयातील शिक्षकेतर कर्मचाऱ्यांनी उपोषण केले वरील मागण्या शासनाने त्वरित मान्य करावे अशी विनंती त्यांनी केली.
यावेळी शिक्षकेतर कर्मचारी संघटनेचे अध्यक्ष शैलेश परदेशी, उपाध्यक्ष वासुदेव माळी, खजिनदार संजय मराठे, सचिव हरीश पाटील, यासह मुकेश मराठे, भटू बडगुजर, दिलू रघुवंशी, प्रशांत परदेशी, राजू पाटील, जितेंद्र परमार यासह महाविद्यालयातील शिक्षकेतर कर्मचारी एक दिवशी लाक्षणिक उपोषणाला मोठ्या संख्येने उपस्थित होते तसेच या लक्षणीय संपात महाविद्यालयाचे प्राचार्य तसेच प्राध्यापक एन मुक्टो संघटनेचे पदाधिकारी यांनी न्याय व रास्त मागण्या शासनाने लवकरात लवकर मान्य कराव्यात यासाठी पाठिंबा दिला आहे.
