नंदुरबार | प्रतिनिधी
डॉ.हेडगेवार सेवा समिती नंदुरबार संचलित अनुदानित आश्रमशाळा जळखे ता.जि.नंदुरबार येथे मातृ-पितृ पूजन कार्यक्रम तसेच सांस्कृतिक कार्यक्रम व वार्षिक पारितोषिक वितरण सोहळा संपन्न झाला.यावेळी अध्यक्षस्थानी डॉ.हेडगेवार सेवा समिती अध्यक्ष कृष्णदास काशिनाथ पाटील तर सरपंच सौ.देखमुताई गावित यांची प्रमुख उपस्थिती होती.
नंदुरबार तालुक्यातील जळखे येथे डॉ.हेडगेवार सेवा समिती नंदुरबार संचलीत अनुदानित प्राथमिक व माध्यमिक आश्रमशाळा येथे दरवर्षी १४ फेब्रुवारी रोजी मातृ-पितृ पूजन कार्यक्रम आयोजित केला जातो.यावेळी आश्रम शाळेतील विद्यार्थी आपल्या आई वडिलांचे पूजन करून त्यांच्या प्रति कृतज्ञता व्यक्त करतात, यावर्षी या कार्यक्रमासोबतच वर्षभरात विद्यार्थ्यांनी विविध क्रीडा स्पर्धा तसेच शैक्षणिक परीक्षेत मिळवलेल्या यशाबद्दल संस्थेकडून गौरवण्यात आले,तद्नंतर विद्यार्थ्यांनी सांस्कृतिक कार्यक्रम सादर केले व उपस्थितांची मने जिंकली,सहभोजनाने कार्यक्रमाची सांगता झाली.कार्यक्रमाला पालकांचा उत्स्फूर्त प्रतिदास मिळाला.
यावेळी संस्थेचे विश्वस्थ पाटीलभाऊ माळी, सुखदेव माळी, धनराज कातोरे, सल्लागार नानाभाऊ माळी ,सदस्य संजय पाटील, प्रशासकीय अधिकारी उमेश शिंदे आदी उपस्थित होते. कार्यक्रम यशस्वीतेसाठी आश्रमशाळेचे मुख्याध्यापक आणि विकास सहयोगी यांनी परिश्रम घेतले.
