धानोऱ्यात दोघा बहिणींना मारहाण

नंदुरबार l  प्रतिनिधी

नंदुरबार तालुक्यातील धानोरा येथे घराचे मोजमाप केल्याच्या कारणावरुन दोघा बहिणींना मारहाण केल्याप्रकरणी चौघांविरोधात गुन्हा दाखल करण्यात आला आहे.

याबाबत पोलिस सूत्रांनी दिलेल्या माहितीनूसार, नंदुरबार तालुक्यातील धानोरा येथील अनिता सुरुपसिंग वळवी यांनी घराचे मोजमाप केले. या कारणावरुन अनिता वळवी यांना गणेश रमेश वसावे याने लाथ सुनिता वळवी या खाली पडल्याने त्यांच्या डोक्याला दगड लागून दुखापत झाली. तसेच विष्णू अर्जुन पाडवी, देविदास शिवाजी पाडवी यांनही हाताबुक्यांनी मारहाण केली.

अनिता वळवी यांची बहिण दिपमाला नाईक यांना अविनाश शिवाजी पाडवी याने हाताबुक्यांनी मारहाण केली. याबाबत अनिता वळवी यांच्या फिर्यादीवरुन नंदुरबार शहर पोलिस ठाण्यात चौघांविरोधात भादंवि कलम ३३७, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक वंतू गावित करीत आहेत.