नंदुरबार l प्रतिनिधी
नवापूर तालुक्यातील आमलाण येथे मारहाण केल्याच्या संशयातून मारहाणीत दोघांना दुखापत झाली असून परस्पर फिर्यादीतून आठ जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील आमलाण येथील दिवानजी नपऱ्या गावित यांनी यांनी घराशेजारी राहणाऱ्या दाज्या शिवा गावित यांना मारहाण केल्याच्या संशयातून अरु गोमा, परमेश गोमा, बाबा व अन्य एक इसम यांनी दिवानजी गावित यांना हाताबुक्यांनी व स्टीलच्या पाईपने मारहाण करुन दुखापत केली. तसेच शिवीगाळ करीत जिवेठार मारण्याची धमकी दिली. याबाबत दिवानजी गावित यांच्या फिर्यादीवरुन नवापूर पोलिस ठाण्यात चौघांविरोधात भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना.भटू माळवे करीत आहेत.
तसेच दाज्या शिवा गावित यांनी दिलेल्या परस्पर फिर्यादीत म्हटले आहे की, घराच्या बांधकामात जेसीबीच्या सहाय्याने मुरुम टाकत असतांना थोडा मुरुम रोहित रविदास गावित यांच्या संडासाच्या टाकीवर पडला याचा याग आल्याने दाज्या गावित यारंना रोहित रविदास गावित, दिवानजी नपऱ्या गावित, तुषार दिवानजी गावित, अजित बाबजी गावित यांनी कुऱ्हाडीच्या उलट्या दांड्याने मारहाण केली. तसेच शिवीगाळ करीत जिवेठार मारण्याची धमकी दिली. याबाबत दाज्या गावित यांच्या फिर्यादीवरुन नवापूर पोलिस ठाण्यात चौघांविरोधात भादंवि कलम ३२५, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक गुमानसिंग पाडवी करीत आहेत.