नंदुरबार l प्रतिनिधी
राष्ट्रवादी कॉंग्रेसचे सर्वेसर्वा शरद पवार यांच्या वाढदिवसनिमित्त नंदुरबार जिल्हा राष्ट्रवादी कॉंग्रेसतर्फे दि. १० ते १२ डिसेंबरदरम्यान राष्ट्रवादी मंथन शिबीरांचे आयोजन करण्यात आले आहे. नंदुरबार, नवापूर व शहादा येथे हे शिबीर घेण्यात येणार आहेत, अशी माहिती जिल्हाध्यक्ष डॉ.अभिजीत मोरे यांनी दिली.
येत्या १२ डिसें. रोजी राष्ट्रवादीचे सर्वेसर्वा खा. शरद पवार यांच्या ८३ वा वाढदिवस जिल्हाभरात मोठ्या उत्साहाने साजरा करण्याचे राष्ट्रवादी कॉंग्रेस पार्टीने ठरविले आहे. त्यानिमित्ताने शिर्डी येथे झालेल्या राज्यस्तरिय शिबिराचा धर्तीवर नंदूरबार जिल्ह्यात देखील तालुकास्तरीय शिबिराचे आयोजन करण्यात आले आहे.
दि. १० डिसेंबर रोजी शहादा तालुक्याचे राष्ट्रवादी मंथन शिबीर हे ब्राम्हणपुरी येथे होणार असून सकाळी १० वाजेपासून सुरु होणार्या या शिबिरास अनेक मान्यवरांचे मार्गदर्शन लाभणार आहे.दि. ११ डिसें. रोजी नंदुरबार तालुक्याचे राष्ट्रवादी मंथन शिबीर हे सेंट मदर टेरेसा स्कुल येथे आयोजित करण्यात आले आहे .दि. १२ डिसें. रोजी नवापुर तालुक्याचे राष्ट्रवादी मंथन शिबीर आयोजित करण्यात आले आहे
युवक राष्ट्रवादी कॉंग्रेसतर्फे देखील ऍड. राऊ मोरे यांच्या सहकार्याने नंदूरबार शहरातील चार पोलीस स्टेशनला वॉटर कुलर भेट देण्यात येणार आहे.तळोदा तालुक्यात गरजूंना ब्लँकेट वाटप करण्यात येणार असून अनेक कार्यकर्त्यांचे पक्ष प्रवेश देखील माजी आमदार उदेसिंग पाडवी यांच्या हस्ते होणार आहे.
शहादा तालुक्याचे भूलाने येथे राष्ट्रवादीचे तालुकाध्यक्ष माधवराव पाटील व शहराध्यक्ष सुरेंद्र कुवर यांच्या सहकार्याने भव्य क्रिकेट स्पर्धेचे आयोजन दि. ४ डिसें. ते ११ डिसें. दरम्यान होत आहे . दि. १०,११ आणि १२ डिसें. रोजी होणार्या राष्ट्रवादी मंथन शिबिरास जिल्हाप्रभारी मा. आ. अनिल गोटे, जिल्हानिरीक्षक नानासाहेब महाले, राष्ट्रवादीच्या नेत्या सिंधुताई तुपकर आदि प्रमुखांची उपस्थिती राहील. तरी जास्तीत जास्त संख्येने शिबिरास उपस्थित राहण्याचे आवाहन जिल्हाध्यक्ष डॉ. अभिजित मोरे यांनी केले आहे.
