नंदूरबार | प्रतिनिधी
नंदुरबार तालुक्यातील १८ ग्रामपंचायतींच्या थेट सरपंच पदाच्या सार्वत्रिक निवडणुकांसाठी १८ डिसेंबर २०२२ रोजी मतदान होणार आहे. यासाठी आज अर्ज दाखल करण्याच्या शेवटच्या दिवशी सरपंच पदासाठी ५३ तर सदस्य पदासाठी २८७ अर्ज दाखल करण्यात आले. अर्ज दाखल करण्याचा शेवटचा दिवस असल्याने तहसिल कार्यालयात एकच गर्दि झाली होती.
ऑक्टोबर २०२२ ते डिसेंबर २०२२ या कालावधीत मुदत संपणार्या नंदुरबार तालुक्यातील ढंढाणे, रनाळे, तलवाडे बुद्रूक, रजाळे, आसाणे, घोटाणे, ओसर्ली, सातुर्खे, कानळदे, खैराळे, कोठडे, धानोरा, करणखेडा, तिसी, अमळथे, चौपाळे, राकसवाडे, घुली १८ या ग्रामपंचायतींच्या थेट सरपंच पदाच्या सार्वत्रिक निवडणुकांसाठी १८ डिसेंबर २०२२ रोजी मतदान होणार आहे. या ग्रामपंचायतींच्या निवडणुकांसाठी नामनिर्देशनपत्र २८ नोव्हेंबर ते २ डिसेंबर या कालावधीत दाखल करण्यात आले.आज अर्ज दाखल करण्याच्या शेवटच्या दिवशी सरपंच पदासाठी ५३ तर सदस्य पदासाठी २८७ अर्ज दाखल करण्यात आले.
तर आतापर्यंत लोकनियुक्त सरपंच पदासाठी एकुन ९६ तर सदस्य पदासाठी ४७२ अर्ज दाखल करण्यात आले. नामनिर्देशनपत्रांची छाननी ५ डिसेंबर रोजी होईल. नामनिर्देशनपत्र मागे घेण्याची अंतिम मुदत ७ डिसेंबर रोजी दुपारी ३ वाजेपर्यंत असेल व त्याच दिवशी निवडणूक चिन्हांचे वाटप होईल. मतदान १८ डिसेंबर रोजी सकाळी ७.३० ते सायंकाळी ५.३० या वेळेत होईल. तसेच नक्षलग्रस्त भागात दुपारी ३ वाजेपर्यंतच मतदानाची वेळ असेल. मतमोजणी २० डिसेंबर रोजी होईल. दरम्यान अर्ज दाखल करण्याचा आज शेवटचा दिवस असल्याने तहसिल कार्यलयाला यात्रेचे स्वरूप प्राप्त झाले होते.
