नंदुरबार l प्रतिनिधी
खरीप हंगाम 2022-2023 मध्ये धुळे व नंदुरबार जिल्ह्यात नाफेडच्यावतीने मुग, उडिद, सोयाबीन खरेदी करण्यात येणार आहे. त्यासाठी नोंदणी सुरु असून शेतकऱ्यांनी नोंदणी करावी, असे आवाहन जिल्हा पणन अधिकारी एस.बी.सोनवणे यांनी केले आहे.
मुग पिकासाठी 7 हजार 755, उडीद साठी 6 हजार 600 तर सोयाबीन साठी 4 हजार 300 दर प्रति क्विंटल असेल शेतकऱ्यांनी पुढील ठिकाणी नोंदणी करता येईल. धुळे तालुका खरेदी विक्री आणि प्रक्रिया सोसायटी लि.धुळे (99578 33707 ), शिरपूर तालुका सहकारी खरेदी विक्री सोसायटी लि.शिरपूर जि.धुळे ( 94221 23929),शिंदखेडा तालुका सहकारी खरेदी विक्री संघ लि.दोंडाईचा ता.शिंदखेडा जि.धुळे (92844 29877 ), शेतकरी सहकारी संघ साक्री जि.धुळे (94218 85866) शेतकरी सहकारी संघ लि.नंदुरबार (97632 86860), शहादा तालुका सहकारी खरेदी विक्री संघ लि.शहादा जि.नंदुरबार (77220 14465 ) वर संपर्क साधावा.
नोंदणी झालेल्या शेतकऱ्यांकडून 10 नोव्हेंबर 2022 ते 7 फेब्रुवारी 2023 या कालावधी पर्यंत कडधान्याची खरेदी करण्यात येईल. नोंदणीसाठी शेतकऱ्यांनी खरीप हंगाम 2022-2023 मधील ऑनलाईन पीकपेरा नमूद असलेला सातबारा उताऱ्यांची मूळ प्रत, आधार कार्ड, बॅक खाते बुक, मोबाईल क्रमांक इत्यादीची माहितीची नोंदणी वरील ठिकाणी नोंदवावी. शेतकऱ्यांना नोंदणी केलेल्या मोबाईल क्रमांकावर एसएसएसद्वारे शेतमाल घेवून येण्याचा दिनांक कळविण्यात येईल. असे जिल्हा पणन अधिकारी यांनी एका प्रसिध्दीपत्रकान्वये कळविले आहे.
