नंदूरबार l प्रतिनिधी
नवापूर तालुक्यातील प्रतापपूर नजीक दोन वाहनांची समोरासमोर जोरदार धडक झाल्याने अपघातात 15 जण जखमी झले आहेत. सूरतहून साखरपुडा करून मालेगावला जात असताना अपघात झाला आहे.
नवापूर तालुक्यातील प्रतापपूर नजीक दोन वाहनांची समोरासमोर जोरदार धडक झाल्याने भीषण अपघात झाला आहे.या अपघातात एकूण 15 प्रवासी जखमी झाले असून यातील दोन महिलांची प्रकृती गंभीर असल्याची माहिती पोलिसांनी दिली आहे. सर्व अपघातग्रस्त मालेगाव तालुक्यातील असल्याची माहिती मिळाली आहे. नवापूर उपजिल्हा रुग्णालयात रात्री प्राथमिक उपचार करून प्रवासी मालेगावला रवाना झाले आहेत.
प्रत्यक्षदर्शीकडून मिळालेल्या माहितीनुसार रविवारी रात्री अकरा वाजेच्या सुमारास नवापूर तालुक्यातील प्रतापपूर गावाजवळ दोन वाहनांची समोरासमोर धडक झाली आहे. यात क्रुझर वाहनातील 15 प्रवासी जखमी झाले आहेत. सूरतहून साखरपुडा करून मालेगावला जात असताना अपघात झाला आहे. जखमीना खाजगी रुग्णवाहिकेच्या माध्यमातून रुग्णालयात पोहोचवण्यात आले अपघात होताच दोन्ही चालक फरार झाले आहेत. गाडी (क्र.जी. जे. 05 जे.बी.b6025) व क्रुझर गाडी (क्र. एम.एच.15 ई.पी 6864) जोरदार धडक झाली. यात दोन्ही वाहनांचे मोठे नुकसान झाले आहे. रात्री अपघात झाल्याने प्रतापपूर येथील अंकेश गावित, सुनिल गावीत, विशाल गावीत युवकानी अपघातग्रस्तांना मदतीसाठी धावून आले.
अपघातात जखमी झालेले प्रवासी
रिता लालजी पामरे वय 20 (गंभीर जखमी), लिलाबाई तानाजी पाटील वय 45 (गंभीर जखमी), भगवान बबन फासगे वय 32 , राणी दिपक रागफासरे वय 30 , केशव प्रताप रागफासरे वय 30, बबलू भिमराव देवरे वय 22 , विष्णू मारती रागफासरे वय 42, दिपक कुमाजी रागफासरे वय 35 , मनीषा तुकाराम रागफासरे वय 60, सुखदेव नामदेव रागफासरे वय 46 , छाया सुखदेव रागफासरे वय 42, रोहिणी तानाजी पामरे वय 19
नानाजी भिका पामरे वय 56 सर्व रा. चंदनपुरी, पाथरे,मालेगाव तालुक्यातील आहे.
नबाबाई बबन फासगे वय 76 रा चाळीसगाव जखमी झाले आहेत.
अपघातग्रस्त सर्व नाशिक जिल्ह्यातील मालेगाव येथील आहे एकाच कुटुंबातील व्यक्ती अपघातात जखमी झाले आहेत दोन महिला गंभीर असून इतर 13 जणांना किरकोळ दुखापत झाली आहे. यासंदर्भात नवापूर पोलीस पुढील तपास करीत आहे.
