चिनोदा.ता.तळोदा | वार्ताहर
चिनोदा : तळोदा तालुक्यातील प्रतापपूर येथील ग्रामपंचायतीच्या उपसरपंचपदी सुरेश झगडू इंद्रजित यांची बिनविरोध निवड करण्यात आली.
प्रतापपूर ग्रामपंचायतीच्या कार्यालयात उपसरपंच निवडीसाठी आज नवनिर्वाचित सदस्यांची विशेष सभा घेण्यात आली. या सभेच्या निरीक्षक म्हणून यु.एन.भावसार हे होते. तर लोकनियुक्त सरपंच कमलबाई दिवाण पावरा यांच्या अध्यक्षतेखाली विशेष सभा झाली. निवडणूक कामे ग्रामसेवक पी.जी.माळी हे यांनी काम पाहिले.
यावेळी उपसरपंचपदासाठी सुरेश इंद्रजीत यांचा एकमेव अर्ज दाखल झाल्याने बिनविरोध निवड झाल्याचे घोषित करण्यात आले. यावेळी तनुजा संजय मराठे, राजेंद्र भिमसिंग राजपूत, राकेश रामा पावरा, पन्नालाल विजयसिंग पावरा, बहादुर काळूसिंग ठाकरे, सुखीबाई अनिल पावरा, सुरेखा चंद्रकांत शिंदे, सुरेखा दिलीप भदाणे, लताबाई दिलीप वसावे, रीना सुभाष वसावे आदी उपस्थित होते. यावेळी साहेबराव चव्हाण, संजय मराठे, पंकज पावरा, हंबीरराव चव्हाण, सुरतसिंग गिरासे, प्रेमसिंग राजपूत आदी उपस्थित होते.
