तळोदा l प्रतिनिधी
जनजातीय गौरव दिनानिमित्त आमदार राजेश पाडवी, कै. कलावती पाडवी फाऊंडेशन, सोमावल व ग्रॅव्हिटी मल्टीस्पेशालिटी हॉस्पिटल, नाशिक यांच्या संयुक्त विद्यमाने आज शनिवारी (ता. १२) मोफत आरोग्य तपासणी शिबिर आयोजित करण्यात आले होते. यावेळी सुमारे ४०० नागरिकांची मोफत तपासणी करण्यात आली आहे.
तळोद्यातील आदिवासी सांस्कृतिक भवन येथे सदर शिबिर संपन्न झाले. शिबिराचे उद्घाटन भाजपचे जिल्हाध्यक्ष विजय चौधरी यांच्या हस्ते दीपप्रज्वलन करून करण्यात आले. याप्रसंगी आमदार राजेश पाडवी, भाजप राज्य कार्यकारिणी सदस्य राजेंद्र गावित, नगराध्यक्ष अजय परदेशी, उपनगराध्यक्षा भाग्यश्री चौधरी, नगरसेवक गौरव वाणी, नगरसेवक सुभाष चौधरी, योगेश पाडवी, तालुकाध्यक्ष प्रकाश वळवी, शहराध्यक्ष योगेश चौधरी, पंचायत समितीचे उपसभापती विजय राणा, माजी सभापती सतिष वळवी, जितेंद्र पाडवी, दाज्या पावरा, अर्जुन वळवी, नितीन पाडवी, कैलास चौधरी तसेच सरपंच श्रीकांत पाडवी, रुपसिंग पाडवी, अनिल पवार, भरत चौधरी, शानुताई वळवी आदी उपस्थित होते.
यावेळी सुमारे ४०० नागरिकांची मोफत तपासणी करण्यात आली. नागरिकांची हृदयरोग, मधुमेह, मेंदूरोग, हाडांचे व मणक्याचे आजार, रक्तदाब, दमा यासह विविध आजारांची तपासणी करीत त्यांच्यावर मोफत औषधोपचार करण्यात आलेत. तसेच नागरिकांवर अँजिओग्राफी व इतर पुढील उपचार नाशिक येथे मोफत करण्यात येणार आहेत.
यावेळी आमदार राजेश पाडवी यांनी सांगितले की, सदर शिबिर हे सर्वांसाठी असून शिबिरात नागरिकांची तपासणी करून, त्यांच्यावर पुढील उपचार, शस्त्रक्रिया विविध योजनांच्या माध्यमातून करण्यात येणार आहेत. तसेच विविध योजनांचा लाभाव्यतिरिक्त नागरिकांना अधिकच्या खर्च लागल्यास तो खर्च कलावती फाऊंडेशन व इतर ट्रस्ट मार्फत करण्यात येईल असे आश्वासन त्यांनी दिले.
कार्यक्रमाचे सूत्रसंचालन हेमंत सुर्यवंशी यांनी केले. शिबिर यशस्वी होण्यासाठी डॉ. आशुतोष उशीर, डॉ. मेहुल सरकार, डॉ. अमोल खोलमकर, डॉ. बिपीन पटेल, डॉ. डी. एस. मुळे, डॉ. प्रदीप पाटील, डॉ. दिपक पाटील, डॉ. अनुज नेहते, सचिन कोतवाल तसेच विरसिंग पाडवी, गुड्डू वळवी, किरण सुर्यवंशी, हेमराज पवार, राजू गाडे, अँड. जयस्वाल, चेतन शर्मा, पावबा ठाकरे, ग्रॅव्हिटी मल्टीस्पेशीएलिटी हॉस्पिटलचे कर्मचारी व समाजकार्य महाविद्यालयाच्या विद्यार्थ्यांनी परिश्रम घेतले.
