नंदुरबार ते तळोदा रस्ता दुरुस्तीसाठी गैर कायद्याची मंडळी जमवून विना परवानगी आंदोलन केल्याप्रकरणी ४० जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार ते तळोदा रस्त्यावर सार्वजनिक बांधकाम विभागामार्फत रस्ता दुरुस्तीसाठी गैर कायद्याची मंडळी जमवून विना परवानगीने व महाराष्ट्र हद्दीत रास्ता रोको आंदोलन करुन वाहतूकीस अडथळा निर्माण केल्याप्रकरणी दिलीप रघुनाथ पाटील, अधिकार भटा पाटील, आंबालाल तुकाराम पटेल, शांतू मोत्या पाडवी, सुरेश जम्मू पाडवी, उद्धव तुमडू पटेल, दगडू नारायण चौधरी, राकेश पाटील,
प्रदिप नाना पाटील, दीपक भरत पाटील, खंडू वसंत पाटील, खंडू इमा पाडवी, नितीन सजन पाटील, जगदिश रविंद्र भोई, भरत रोहिदास चौधरी, संदिप पाडवी, शरद राजपूत, अश्विनभाई पटेल व सुभाष पटेल यांच्यासह २० अनोळखी इसमांविरोधात नंदुरबार उपनगर पोलिस ठाण्यात भादंवि कलम १४१, १४३, १४५, ३४१ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक प्रशांत राठोड करीत आहेत.
