नंदुरबार l
शहरातील शिक्षक कॉलनी येथून एक व नवापूर तालुक्यातील खांडबारा येथून दोन अशा तीन दुचाकी चोरट्यांनी लंपास केल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार येथील गुंजन सतिष क्षिरसागर यांच्या मालकीची दुचाकी (क्र.एम.एच.१९ डीवाय ८८२७) जिजामाता कॉलेजमागील शिक्षक कॉलनीतून त्यांच्या घराच्या अंगणातून चोरट्याने चोरुन नेली. याबाबत गुंजन क्षिरसागर यांच्या फिर्यादीवरुन उपनगर पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे.
पुढील तपास पोहेकॉ.दिलीप सुर्यवंशी करीत आहेत. तसेच नंदुरबार तालुक्यातील शितलपाडा येथील विष्णू अंताराम बागुल यांच्या मालकीची दुचाकी (क्र.एम.एच.३९ टी ४५७३) नवापूर तालुक्यातील खांडबारा गावातील मेन बाजार गल्लीतून चोरट्याने चोरुन नेली. तर नवापूर तालुक्यातील खांडबारा येथील कासीम सलीम खाटीक यांच्या मालकीची दुचाकी (क्र.एम.एच.३९ एई ३१३०) खांडबारा येथील त्यांच्या घरासमोरील अंगणातून चोरट्याने चोरुन नेली. याबाबत विसरवाडी पोलिस ठाण्यात भादंवि कलम ३७९ प्रमाणे दोन वेगवेगळे गुन्हे दाखल करण्यात आले असून पुढील तपास पोना.प्रशांत पाटील व सहाय्यक पोलिस उपनिरीक्षक सुरेश चौरे करीत आहेत.
