नंदुरबार : शहादा तालुक्यातील कन्साई येथील एकाने ११२ नंबर डायल करुन लोकसेवकास खोटी माहिती देऊन त्रास दिल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील कन्साई येथील चुनिलाल याने ११२ नंबर डायल करुन चिखली फाटा म्हसावद गावात माझी गाडी ट्रॅफिकमध्ये अडकली आहे, असे सांगत शासकीय लोकसेवकास त्रास व्हावा या उद्देशाने खोटी माहिती दिली. याबाबत पोशि.राकेश पांडूरंग पावरा यांच्या फिर्यादीवरुन म्हसावद पोलिस ठाण्यात चुनिलाल याच्याविरोधात भादंवि कलम १८२ प्रमाणे गुन्हा दाखल करण्यात आला आहे. पुढील तपास पोहेकॉ.काशिराम साळवे करीत आहेत.
