नंदुरबार l
अक्कलकुवा तालुक्यातील सरीचा बेटलीबारपाडा येथे ग्रामपंचायतीच्या निवडणूकीत विरुद्ध पार्टीच्या उमेदवारासोबत फिरतो या कारणावरुन एकास मारहाण केल्याप्रकरणी सहा जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील सरीचा बेटलीबारपाडा येथील प्रशांत विरम्या वसावे यांचे भाऊ गणेश विरम्या वसावे हे ग्रामपंचायत निवडणूकीत विरुद्ध पार्ीच्या उमेदवारासोबत फिरतात. या कारणावरुन गणेश वसावे यांना कालूसिंग वासरा वसावे, रमेश कालूसिंग वसावे, जगदिश कालूसिंग वसावे, राकेश मोग्या वसावे, वारसिंग काल्या वसावे व बहादूरसिंग काल्या वसावे यांनी दगडाने हाताबुक्यांनी मारहाण केली.
याबाबत प्रशांत वसावे यांच्या फिर्यादीवरुन मोलगी पोलिस ठाण्यात सहा जणांविरोधात भादंवि कलम १४३, १४७, ३२४, ३२३ प्रमाणे गुन्हा दाखल करण्यात आला आहे. पुढील तपास पोहेकॉ.धनराज जाधव करीत आहेत.
