नंदुरबार l
नवापूर तालुक्यातील कोठडा गावाजवळ असलेल्या शोरुमजवळ डिझेल चोरी करतांना आढळून आल्याप्रकरणी तिघांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नवापूर तालुक्यातील कोठडा गावाजवळ एका शोरुममध्ये जे.एम.म्हात्रे कंपनीच्या कॉँक्रीट मिक्सर वाहनातून (क्र.एम.एच.४६ बीएम ५६०६) मोहंमद जुबेर मुमताज आलम, जगदिश दत्तू नाईक व लाजरस अर्जुन नाईक या तिघांनी संगनमत करुन पांढऱ्या रंगाच्या एका वाहनात (क्र.जी.जे.१९ ए ६९५३) कॉँक्रीट मिक्सर वाहनातून ९०० रुपये किंमतीचे १० लिटर डिझेल भरतांना आढळून आले.
याबाबत भरत बबन मुंढे यांच्या फिर्यादीवरुन नवापूर पोलिस ठाण्यात तिघांविरोधात भादंवि कलम ३७१, ३८१, ३४ प्रमाणे गुन्हा दाखल करण्यात आला आहे. पुढील तपास पोहेकॉ.नरेंद्र नाईक करीत आहेत.
