नंदूरबार l प्रतिनिधी
दिवाळीनिमित्त अन्न व नागरी पुरवठा मार्फत वितरित करावयाचे दिवाळी किट नंदुरबार तालुक्यास प्राप्त झालेले असून आज 22 ऑक्टोंबर रोजी पालकमंत्री डॉ. विजयकुमार गावित यांच्या हस्ते नंदुरबार तालुक्यातील वितरणात सुरुवात करण्यात आली.
यावेळी खा. डॉ. हिना गावित, जिल्हा परिषद अध्यक्षा डॉ.सुप्रिया गावित, माजी सभापती प्रकाश गावित, जिल्हा परिषद सदस्या श्रीमती राजश्री गावित, तहसीलदार भाऊसाहेब थोरात ,नायब तहसीलदार रमेश वळवी, पुरवठा निरीक्षक श्रीमती चौरे लिपिक सनांन्से आदी उपस्थित होते.
या योजनेचा शुभारंभ धानोरा गावातून करण्यात आला,त्यानंतर पिंपळोद, लोय, नटावद, कोठली, निंबोणी,फुलसरे, करणखेडा, सुंदरदे या गावांतील पात्र शिधापत्रिकाधारक यांना प्रतिनिधीक स्वरूपात आनंदाचा शिधा वितरीत करण्यात आले.
प्रत्येक गावात साधारण ते २९ ते ३० लाभार्थ्यांना दिवाळी किट वाटप करण्यात आली.सदर दिवाळी किटमध्ये एक किलो साखर, एक किलो रवा, एक किलो चणाडाळ व एक लिटर तेल अशा चार वस्तू असून त्यांची किंमत १०० रुपये आहे .
अंत्योदय योजना व प्राधान्य कुटुंब योजना अंतर्गत सर्व पात्र शिधापत्रिकाधारकांना या योजनेचा लाभ मिळणार आहे.लवकरात लवकर सर्व गावांमध्ये सर्व कुटुंबांना दिवाळीचा शिधा वितरीत करण्यासाठी पुरवठा विभाग मेहनत घेत आहे.
