नंदुरबार l
शहरातील वाघोदा शिवारातील पहेलवान नगरात दुचाकीने धडक दिल्याने १३ वर्षीय मुलगा जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार शहरातील वाघोदा शिवारात पहेलवान नगरातील लहू सुरेश गवळी (वय १३) हा मुलगा खेळून घरी जात होता. यावेळी एका विना नंबरच्या दुचाकीस्वाराने त्याच्या ताब्यातील दुचाकी रस्त्याच्या परिस्थितीकडे दुर्लक्ष करुन बेकरीजवळ लहू गवळी या मुलास धडक दिल्याने त्यात तो जखमी झाले.
अपघातानंतर दुचाकी चालक घटनास्थळावरुन पसार झाला. याबाबत सुरेश गंगाराम गवळी यांच्या फिर्यादीवरुन उपनगर पोलिस ठाण्यात दुचाकी चालकाविरोधात भादंवि कलम २७९, ३३७, ३३८ सह मोटार वाहन कायदा कल्म १८४, १३४/१८७ प्रमाणे गुन्हा दाखल करण्यात आला आहे. पुढील तपास पोहेकॉ.पितांबर जगदाळे करीत आहेत
