नंदुरबार l प्रतिनिधी
साक्री तालुक्यातील अष्टाने येथून आलेल्या आपकी जय परिवाराचे संत श्री गुलाम महाराज पालखी पदयात्रेचे नंदुरबारात स्वागत करण्यात आले. यावेळी भाविकांनी पदयात्रेत सहभाग घेत पालखी नंदुरबारमार्गे तळोद्याकडे रवाना झाली. अष्टाने ते रंजनपुर सुमारे शंभर किलोमीटर आंतर आहे
आप संत श्री गुलाम महाराज यांच्या दर्शनासाठी व व्यसनमुक्ती तसेच भेटीसाठी 1937 पासून श्रावण महिन्यातील शेवटच्या सोमवारी वेगवेगळ्या ठिकाणाहून भाविक येत होते तेव्हापासून ही पदयात्रा आज पर्यंत सुरू आहे सुमारे 89 वर्ष या पालखी पदयात्रेला झाले असून तीन सप्टेंबर रोजी साखरी तालुक्यातील अष्टाने येथून ही पदयात्रा निघाली आज नंदुरबारला पदयात्रेचे ठिकठिकाणी स्वागत करण्यात आले त्यानंतर सात तारखेला तळोदा तालुक्यातील रंजनपुर येथे पदयात्रा पोहोचणार आहे यात हजारावर भाविक सहभागी झाले पुढे तळोद्याला भाविक वाढत जातील सुमारे दहा हजाराच्या पुढे भाविक यात सहभागी होतील. त्याचसोबत चौपाळे ते रंजनपुर यासह विविध भागातून भाविक आजही दर्शनासाठी येत असतात अशी माहिती या परिवारातील सदस्य जितेंद्र पाडवी यांनी दिली आहे.
दरम्यान शहरातील आमदार कार्यालयाजवळ शिवसेनेचे जिल्हाप्रमुख राम रघुवंशी यांनी पालखीचे पूजन करून दर्शन घेतले व भाविकांना शुभेच्छा दिल्या.
अष्टाने येथून निघालेली संत गुलाम महाराज यांच्या प्रतिमेची पालखी पदयात्रा नंदुरबार शहरात आली.
या पदयात्रेत भाविकांनी सहभागी होत संत गुलाब महाराजांचा जयघोष केला. शहरातील प्रमुख मार्गावरुन ही पालखी पदयात्रा निघाली असून नंदुरबार मार्गे पुढे तळोद्याकडे रवाना झाली.
