नंदूरबार l प्रतिनिधी
नंदुरबार तालुक्यातील सैताणे येथे कै.कृषिरत्न रामचंद्र शिवराम सोनवणे यांच्या प्रथम पुण्यतिथी निमित्ताने सैताने येथे जवाहर मेडिकल फाउंडेशन अण्णासाहेब चुडामण पाटील स्मृती वैद्यकीय व दंत महाविद्यालय धुळे यांच्या विद्यमानाने व फौंडेशन चे व्हाय चेअरमन आमदार कुणाल पाटील यांच्या सहकार्याने सैताणे येथे मोफत आरोग्य तपासणी शिबिर व लागणारे औषध मोफत देण्यात आले.
आरोग्य शिबिरास प्रमुख पाहुणे म्हणून नंदुरबार तालुक्यातील जिल्हा परिषद सदस्य डॉ. सुप्रिया गावित व नंदुरबार भाजपा तालुका अध्यक्ष दीपक पाटील हे लाभले तसेच मेडिकल फाउंडेशनचे हृदयरोग तज्ञ डॉक्टर रोहन कुलकर्णी हे प्रमुख म्हणून उपस्थित होते या शिबिराप्रसंगी गावातील तसेच पंचक्रोशीतील नागरिक उपस्थित होते.या शिबिरात जवाहर मेडिकल फाऊंडेशन तर्फे सदर रुग्णांची मोफत तपासणी व विनामूल्य औषधे देण्यात आली.
तसेच रक्त ,लघवी,शुगर,रक्तगट,नेत्र तपासणी,ह्रदयरोग,साथीचे आजार,मधुमेह, छातीचे विकार,अस्थी रोग ,लहान मुलांची तपासणी,अश्या सर्व आजारावर मोफत तपासणी व निदान करत नामांकित औषध मोफत देण्यात आली.
तुझ्या शिबिराप्रसंगी जवाहर मेडिकल फाउंडेशनतर्फे डॉ.रोहन कुलकर्णी, डॉ. गौरव पाटील,डॉ. आकांक्षा देशमुख,डॉ.पंकज डाके,डॉ. पंकज कुमार गुप्ता,डॉ. उत्कर्ष पटेल ,डॉ असरिया रोकडे, डॉ शरद पाटील ,तसेच गावातील मोतीलाल पाटील भाऊसाहेब पाटील दादाभाई पाटील योगेश पाटील प्रमोद पाटील सरपंच नाना पाटील,रवींद्र पाटील आदी उपस्थित होते.
