नंदुरबार l
जिल्ह्यातील माजी सैनिक, विधवा , युद्धविधवा यांच्या पाल्यांना 2021-2022 या शैक्षणिक वर्षाकरीता देय असलेल्या शिष्यवृत्तीसाठी 15 नोव्हेंबर 2022 पर्यंत अर्ज सादर करण्याचे आवाहन जिल्हा सैनिक कल्याण अधिकारी संजय गायकवाड यांनी केले आहे.
शैक्षणिक वर्ष 2021-2022 मध्ये दहावी, बारावी, पदविका, पदवी मध्ये 60 टक्के किंवा त्यापेक्षा जास्त गुण प्राप्त करुन पुढील शिक्षणाकरीता प्रवेश घेतलेल्या माजिी सैनिक किंवा युद्ध विधवांच्या पाल्यांना जिल्हा सैनिक कल्याण कार्यालयामार्फत कल्याणकारी निधीमधून शिष्यवृत्ती देण्यात येते. नीट, जेइई किंवा इतर कारणासाठी गॅप घेऊन शैक्षणिक वर्ष 2021-2022 मध्ये प्रथम वर्षासाठी प्रवेश घेतलेल्या पाल्यांनी प्रकरणासोबत गॅप किंवा स्वंयघोषणापत्र सादर करावे.
अधिक माहितीसाठी जिल्हा सैनिक कल्याण कार्यालय, माजी सैनिक विश्रामगृह आवार, संतोषी माता चौक जवळ, धुळे (दूरध्वनी क्रमांक 02562-237264) येथे संपर्क साधावा.
