सारंगखेडा l प्रतिनिधी
शिंदखेडा तालुक्यातील टाकरखेडा येथील चार मुले तापी नदीच्या पात्रात पोहण्यासाठी गेली असता मात्र त्यांना पाण्यात खड्याचा अंदाज न आल्याने बुडत होती . यावेळी तिथे उपस्थित मच्छिमार व नागरिकांना मुलं बुडत असल्याचे लक्षात येताच उपस्थितीताच्या मदतीने तीन मुलांना वाचविण्यात यश आले आहे . मात्र जास्त पाण्यामुळे यातील एक मुलगा बेपत्ता असल्याने त्याचा रात्री उशिरा पर्यंत शोध घेण्याचे काम युद्धपातळीवर सुरू होते.
याबाबत अधिक माहिती नुसार ता. ३१ रोजी बुधवारी गणेशोत्सवानिमित्त शाळेला सुट्टी असल्यामुळे टाकरखेडा (ता. शिंदखेडा ) येथील चौघे मित्र तापी नदीच्या पात्रात पोहण्यासाठी गेलेले होते. मात्र जास्त पाण्यामुळे पाण्यातील खड्याचा चौघांना अंदाज न आल्याने त्यांचा तोल ढासळून बुडत असल्याचे . पात्रातील उपस्थित मच्छिमार व अंगाळ करणाऱ्या नागरिकांचे लक्षात आल्याने त्यांनी तात्काळ पाण्यात उडी टाकून तीन तरुणांना बाहेर काढले मात्र पाण्याचा प्रवाहात तीन पैकी एक मुलगा वाहून गेल्याने त्याचा रात्री उशिरापर्यंत शोध सुरू होता.
यामध्ये साहिल कृष्णा पानपाटील ( वय १५ ), कुणाल किशोर कापुरे ( वय १२) लकी नरेंद्र पानपाटील ( वय १० ) या तिघांना वाचण्यात यश आले असून यामध्ये रोहित अमृत पानपाटील ( वय १४ ) या तरुणाचा रात्री उशिरापर्यंत पट्टीच्या पोहणाऱ्याच्या मदतीने शोधकार्य सुरू होते.
एकीकडे गणेशोत्सवाची सर्वत्र धूम सुरू असतांना मात्र याची वार्ता गावात व मुलांच्या घरी कळताच भीतीचे वातावरण पसरले आहे. यावेळी येथील गंगाराम भिल,हिम्मत सोनवणे, व नागरिकांनी मदतकार्य केले.
