नंदुरबार l प्रतिनिधी
स्वातंत्र्याच्या अमृत महोत्सवातंर्गत शासकीय वैद्यकीय महाविद्यालय, नंदुरबारच्यावतीने आज रॅलीचे आयोजन करण्यात आले होते.
या रॅलीस राज्याचे मंत्री डॉ. विजयकुमार गावीत तसेच शासकीय वैद्यकीय महाविद्यालयाचे अधिष्ठाता डॉ. शिवाजी सुक्रे यांच्या हस्ते हिरवी झेंडी दाखवून सुरवात करण्यात आली. रॅलीत ‘भारत माता की जय’, ‘वंदे मातरम्’ च्या घोषणा देण्यात येवून ही रॅली नवापूर चौफुलीपासून सुरु करण्यात येवून कोकणी हिल, धुळे चौफुली, श्रॉफ हायस्कुल मार्ग अंधारे स्टॉप येथे रॅलीचा समारोप करण्यात आला.
या रॅलीत शासकीय वैद्यकीय महाविद्यालयातील शरीररचनाशास्त्र विभागाचे डॉ. आनंद जामकर, प्रशासकीय अधिकारी डॉ. अमोल किंनगे, डॉ. हरीष वानखेडे, डॉ. दिप्ती निमजे,डॉ.निखिल गोडे डॉ.अमोल वाघमारे, रॅलीचे मुख्य संयोजक डॉ. प्रशात पाटील, लघुलेखक साहेबराव मोरे, कार्यालयीन अधीक्षक दिलीप पावरा,आर.डी.मुळे,साबीर काजी, मनोजसिंग राजपूत आदी उपस्थित होते.
अधिकारी, कर्मचाऱ्यांसह शासकीय वैद्यकीय महाविद्यालयातील सुमारे 200 विद्यार्थी व विद्यार्थीनी या रॅलीत सहभागी झाले होते.
‘‘घरो घरी तिरंगा’’ महोत्सवातंर्गत
मंत्री डॉ.विजयकुमार गावीत यांनी फडकविला घरावर ध्वज
नागरिकांच्या मनात स्वातंत्र्य लढ्याच्या स्मृती तेवत राहाव्यात, या लढ्यातील क्रांतिकारक तसेच अज्ञात नायकांच्या घडलेल्या विविध घटनांचे स्मरण होवून वैभवशाली इतिहासाचे अभिमानपूर्वक स्मरण करण्यासाठी स्वातंत्र्याच्या अमृत महोत्सवी वर्षानिमित्त ‘घरोघरी तिरंगा’ अभियान आजपासून राबविण्यात येत असून या अभियानांतर्गत राज्याचे मंत्री डॉ. विजयकुमार गावीत यांनी आपल्या राहत्या घरी ध्वज फडकवून या मोहिमेत सहभाग नोंदविला. तसेच जिल्ह्यातील सर्व नागरिकांनी 13 ते 15 ऑगस्ट 2022 या कालावधीत आपल्या घरावर तिरंगा फडकवून या देशव्यापी अभियानात सहभागी होण्याचे आवाहन केले.
खा. डॉ. हिना गावीत यांनी फडकविला घरावर ध्वज
स्वातंत्र्याच्या अमृत महोत्सवी वर्षानिमित्त ‘घरोघरी तिरंगा’ अभियान आजपासून राबविण्यात येत असून या अभियानातंर्गत खा. डॉ. हिना गावीत यांनी आपल्या राहत्या घरी ध्वज फडकवून या मोहिमेत सहभाग नोंदविला. यावेळी त्यांनी जिल्ह्यातील सर्व नागरिकांनी या अभियानांत मोठ्या प्रमाणात सहभागी होण्याचे आवाहन केले. यावेळी जिल्हा परिषदेच्या सदस्या सुप्रिया गावीत ही उपस्थित होत्या.
