नंदुरबार l प्रतिनिधी
शहरातील जगन्नाथ नगरात चोरट्यांनी घरफोडी करीत २५ हजार रुपये किंमतीचा टी.व्ही. व शासकीय कागदपत्रे चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार शहरातील विरेंद्र सुधाकर पाडवी यांची मावशी हिरा पाडवी यांचे जगन्नाथ नगरात घर आहे. सदर बंद घराचे कडीकोयंडा तोडून चोरट्यानंी आत प्रवेश केला.
यावेळी घरात असलेला २५ हजार रुपये किंमतीचा ४० इंच साईजचा टीव्ही व शासकीय कागदपत्रे चोरट्यांनी चोरुन नेले. याबाबत विरेंद्र पाडवी यांच्या फिर्यादीवरुन उपनगर पोलिस ठाण्यात अज्ञाताविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुैढील तपास पोहेकॉ. दिलीप सुर्यवंशी करीत आहेत.
