नंदुरबार l प्रतिनिधी
धडगाव तालुक्यातील चिंचखेडी येथील अल्पवयीन मुलीला पळवून नेल्याप्रकरणी धडगाव पोलिस ठाण्यात एकाविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगााव तालुक्यातील चिंचखेडी येथील एका १६ वर्षीय मुलीला विनोद निंबा वळवी रा.मुंदलवड ता.धडगाव याने फूस लावून पळवून नेले.
याबाबत मुलीच्या वडीलांनी धडगाव पोलिस ठाण्यात दिलेल्या फिर्यादीवरुन संशयित विनोद वळवी याच्याविरोदात भादंवि कलम ३६३ प्रमाणे गुन्हा दाखल करण्यात आला आहे. पुढील तपास पोना.उदेसिंग ठाकरे करीत आहेत.
