नंदुरबार l प्रतिनिधी
तळोदा शहरातील दामोदर नगरात चोरट्यांनी घरफोडी करीत रोकडसह सोन्याचे दागिने असा सुमारे २५ हजार रुपये किंमतीचा ऐवज लंपास केला.
याबाबत पोलिस सूत्रांनी दिलेल्या माहितीनूसार, तळोदा येथील संतोष दगडू गुरव यांचे दामोदर नगरात घर आहे. सदर घराच्या दरवाजाचा कडीकोंडा तोडून चोरट्यांनी आत प्रवेश केला. यावेळी घरात असलेली १० हजार रुपये किंमतीची रोकड, १० हजार रुपये किंमतीचे सोन्याचे दागिने, २५०० रुपये किंमतीचा होमथिएटर व चार्जिंग पॉवर यासह पातेले,
ग्लास असा एकूण २२ हजार ५०० रुपये किंमतीचा ऐवज चोरुन नेला. याबाबत संतोष गुरव यांच्या फिर्यादीवरुन तळोदा पोलिस ठाण्यात अज्ञातांविरोधात भादंवि कलम ४५७, ३८० प्रमाणे गुन्हा दाखल करण्यात आला आहे. पुढील तपास पोहेकॉ.मन्साराम गवळी करीत आहेत.
