नंदूरबार l प्रतिनिधी
नवापूर तालुक्यातील विसरवाडी येथे सरपणी नदी पुल – पाण्यामुळे राष्ट्रीय महामार्ग क्र .6 वरील वाहतुक वळविण्यात आली असल्याची माहिती
निवासी उपजिल्हाधिकारी तथा मुख्य कार्यकारी अधिकारी , जिल्हा आपत्ती व्यवस्थापन प्राधिकरणाचे सुधीर खांदे यांनी प्रसिध्दी पत्रकान्वये कळविले आहे.
याबाबत अधिक माहिती अशी की, राष्ट्रीय महामार्ग क्र .6 वरील मौजे विसरवाडी येथे पुलाचे काम सुरु असल्याने पर्यायी लहान पुलावरुन वाहतुक सुरु होती . मात्र दि. 29 जुलै 2022 रोजी सांय ७ वाजेपासुन सरपणी नदीला आलेल्या पुरामुळे पर्यायी लहान पुलावर पाणी आल्याने विसरवाडी येथील राष्ट्रीय महामार्ग क्र . 6 वरील वाहतुक पर्यायी मार्गाने वळविण्यात आली आहे .
वाहतुक मार्ग – सुरतहुन येणारे विसरवाडी नंदुरबार मार्ग धुळे व धुळयाहुन येणारे धुळे – दौडाईचा नंदुरबार विसरवाडी व शेवाळी निजामपुर – छडवेल – नंदुरबार – विसरवाडी व दहिवेल- छडवेल – नंदुरबार – विसरवाडी अशी तसेच नंदुरबारहुन गुजरातला जाण्यासाठी नंदुरबार विसरवाडी तसेच नंदुरबार उच्छलमार्ग जाता येईल . अशी माहिती
निवासी उपजिल्हाधिकारी तथा मुख्य कार्यकारी अधिकारी , जिल्हा आपत्ती व्यवस्थापन प्राधिकरणाचे सुधीर खांदे यांनी प्रसिध्दी पत्रकान्वये कळविले आहे.
