नंदूरबार l प्रतिनिधी
तळोदा तालुक्यात जुने गोपाळपूर शिवारात बिबट्यासह दोन बछडयांचा मुक्तसंचार दिसून आल्याने प्रचंड भितीचे वातावरण निर्माण झाले आहे. बिबटयाने पाळीव कुत्र्याला फस्त केल्याची घटना घडली.
दि.25 जुलै रोजी जुने गोपाळपूर शिवारात पहाटेच्या सुमारास बिबट्याने चुनिलाल जांभोरे यांच्या घराच्या ओट्यावरून एक कोंबडी तसेच परिसरातील पाळीव श्वानाला बिबट्याने (Leopard) फस्त केल्याने परिसरात घबराटीचे वातावरण निर्माण झाले आहे.
याबाबत वन विभागाला माहिती मिळताच वनक्षेत्रपाल एस.आर.भामरे यांच्या मार्गदर्शनाखाली वन विभागाच्या कर्मचार्यांकडून ठोस उपाययोजना म्हणून बिबट्याच्या (Leopard) हालचाली टिपण्यासाठी ट्रँप कॅमेरा लावण्यात आला होता. मात्र पावसामुळे ट्रँप कॅमेरामध्ये काहीच दिसून आले नाही. म्हणून परिसरात पिंजरा लावण्याची मागणी करण्यात येत आहे.
