नवापूर l प्रतिनिधी
राष्ट्रीय महामार्गावरील नवापूर येथील डी.जे.अग्रवाल इंग्लिश मीडियम शाळेजवळ खड्डे चुकवण्याच्या नादात वापी -धुळे बसने स्कूटरला धडक दिल्याने भीषण अपघात झाला आहे. या अपघातात महिलेचा जागीच मृत्यू झाला आहे. तर पती जखमी झाले आहेत.
याबाबत प्राथमिक माहिती अशी की, शरद पाटील व त्यांच्या पत्नी कल्पनाबाई शरद पाटील हे धार्मिक कार्यक्रमासाठी नातेवाईकांच्या घरी मोटरसायकल (क्र. जी. जे. १९, ए.आर. ८६४४) ने जात होते. दरम्यान मागून येणारी साक्री डेपोची वापी-धुळे बस (क्र. एम. एच.20, बी.एल.3425) च्या चालकाने
नवापूर येथील डी.जे.अग्रवाल इंग्लिश मीडियम शाळेजवळ खड्डा चुकवण्याच्या नादात स्कूटरला जोरदार धडक दिली. या अपघातात स्कूटरवर मागच्या बाजूला बसलेली महिला कल्पनाबाई शरद पाटील (वय 33) या बसचा मागच्या टायर मध्ये आल्याने जागीच ठार झाल्याचे दुर्दैवी घटना आहे.
तर पती शरद पाटील हे जखमी झाले आहेत.
घटनास्थळी तात्काळ नवापूर पोलीस ठाण्यातील सहाय्यक पोलीस निरीक्षक निलेश वाघ यांच्या पथकाने धाव घेत जखमींना मदत केली.
