नंदुरबार l प्रतिनिधी
एकात्मिक आदिवासी विकास प्रकल्प, तळोदा अंतर्गत तळोदा, अक्कलकुवा व धडगाव कार्यक्षेत्रातील विद्यार्थ्यांसाठी एकलव्य मॉडेल रेसिडेंशियल पब्लिक स्कूल मध्ये इयत्ता सहावी नियमित व इयत्ता सातवी ते नववीच्या वर्गातील अनुशेष भरण्याकरीता पात्र विद्यार्थ्यांची परीक्षा 5 जून 2022 रोजी घेण्यात आली होती. सदर परीक्षेत उत्तीर्ण झालेल्या विद्यार्थ्यांची गुणानुक्रमे निवड करण्यात आली असून निवड यादी प्रकल्प कार्यालयाच्या सूचना फलकावर प्रसिद्ध करण्यात आली आहे.
परीक्षते उत्तीर्ण झालेल्या विद्यार्थ्यांनी प्रवेशासाठी पुढील प्रमाणे कागदपत्राची पुर्तता करावी.
6 लाखापेक्षा कमी असलेला सक्षम प्राधिकाऱ्यांचा उत्पन्नाचा दाखला, प्रवेशासाठी पालकांचे संमतीपत्र, दहा दिवसाच्या आतील विद्यार्थ्यांचे वैद्यकीय प्रमाणपत्र, विद्यार्थ्यांचे दोन पासपोर्ट छायाचित्र, शाळा सोडल्याचा दाखला,
संचयी पुस्तिका व इतर अत्यावश्यक कागदपत्रासह निवड झालेल्या विद्यार्थ्यां, पालक व मुख्याध्यापकांनी 15 जुलै 2022 पर्यंत प्रवेश प्रक्रिया पुर्ण करावी. असे प्रकल्प अधिकारी तथा सहायक जिल्हाधिकारी डॉ.मैनाक घोष यांनी एका प्रसिद्धी पत्रकान्वये कळविले आहे.