नंदूरबार l प्रतिनिधी
धडगाव तालुक्यातील आचपा शिवारातील तिनसमाळ रस्त्यावर असलेल्या डोंगरात बकऱ्या चारण्यासाठी गेलेल्या युवतीचा तुटुन पडलेले इलेक्ट्रीक तारचा शॉक लागल्याने जागीच मृत्यू झाल्याची घटना घडली आहे.
याबाबत अधिक माहिती अशी की, धडगाव तालुक्यातील आचपा शिवारातील तिनसमाळ रस्त्यावर आज दि.28 जून रोजी दुपारी 12 वाजेच्या सुमारास आरती जिऱ्या पावरा ही युवती डोगरात बकऱ्या चारण्यासाठी गेली होती .
बकऱ्या चारत असतांना एका बकरीला तुटुन पडलेले इलेक्ट्रीक तारचा शॉक लागला बकरीला वाचवण्यासाठी जात असतांना आरतीला देखील दोन्ही इलेक्ट्रीक पोल वरुन विज पुरठा सुरु असलेले व झाडा झुडपात अडकलेले जमिनीवर पडलेले इलेक्ट्रीक तारचा शॉक लागल्याने आरती जिऱ्या पावरा (वय -27 ) रा . आचपा ता . धडगांव ईचा जागीच मृत्यू झाल्याची घटना घडली आहे.
याप्रकरणी जिऱ्या विल्या पावरा रा . आचपा ता . धडगांव यांच्या खबरी वरून धडगाव पोलिस ठाण्यात अकस्मात मृत्यूची नोंद करण्यात आली आहे.याप्रकरणी पुढील तपास पोना कालुसिंग पाडवी करीत आहेत.
दरम्यान युवतीच्या मृत्यू मूळे गावात शोक कळा पसरली आहे.महसूल विभागाने घटनेच्या ठिकाणी जात पंचनामा केला.
