नंदूरबार l प्रतिनिधी
पालकमंत्री ॲड. के. सी. पाडवी यांच्या बद्दल बदनामीकारक पोस्ट केल्याने ग्रामसेवकाविरुद्ध त्वरित कारवाई करावी असे निवेदन युवक काँग्रेस कमिटी नंदुरबार यांच्या वतीने जिल्हाधिकारी व पोलिस अधीक्षक नंदुरबार यांना देण्यात आले आहे.
राज्याचे आदिवासी विकास मंत्री तथा नंदुरबार जिल्ह्याचे पालकमंत्री ॲड. के.सी.पाडवी यांच्या बद्दल व्हाट्सअप ग्रुप वरती बदनामीकारक व अपमानकारक पोस्ट टाकल्याने ग्रामसेवक रवींद्र वळवी यांच्यावर त्वरित कारवाई करावी असे निवेदन युवक काँग्रेस कमिटी नंदुरबार यांच्या वतीने जिल्हाधिकारी व पोलिस अधीक्षक नंदुरबार यांना देण्यात आले आहे.
या निवेदनामध्ये काँग्रेस कमिटीच्या वतीने त्वरित कारवाईची मागणी करण्यात आली आहे. कारवाई न झाल्यास जनआंदोलन छेडण्याचा इशारा देण्यात आला आहे. यावेळी युवक काँग्रेस कमिटीचे जिल्हाध्यक्ष निलेश, उपाध्यक्ष प्रितेश कुमार पाडवी, युवा काँग्रेस कार्यकर्ता संदीप पाडवी, अक्कलकुवा धडगाव विधानसभा अध्यक्ष दिग्विजयसिंग पाडवी, अनिल पावरा, सुनील पावरा व इतर कार्यकर्ते उपस्थित होते.