जिल्हयात आढळले कोरोनाचे तीन रुग्ण, तीन तालुक्यात कोरोनाचा शिरकाव

नंदूरबार l प्रतिनिधी
नंदूरबार तालुक्यात आज पुन्हा कोरोना दोन तर नवापूर इथे एक रुग्ण आढळले आहे.त्यामुळे जिल्ह्यातील नंदूरबार, नवापूर, तळोदा तालुक्यात सध्या घडीला ६ कोरोना रुग्ण आहेत.

नंदूरबार तालुक्यात २१ जून रोजी दोन जणांचा अहवाल कोरोना पॉझिटीव्ह आला होता. आज दि.२५ जून रोजी प्रशासनातर्फे आरटीपीसीआर अहवाल प्राप्त झाला. त्यात नंदूरबार तालुक्यात पुन्हा दोन तर नवापूर येथे एक जण कोरोना पॉझिटीव्ह आढळला आहे.

सध्या जिल्ह्यात नंदूरबार, नवापूर, तळोदा या तीन तालुक्यात कोरोनाने शिरकाव केला असून सध्या घडीला ६ कोरोना रुग्ण आहेत.

नागरिकांनी घाबरुन न जाता काळजी घ्यावी व कोरोनाचे नियम पाळावे, असे आवाहन जिल्हा शल्य चिकित्सक डॉ.चारुदत्त शिंदे यांनी केले आहे.