नंदुरबार l प्रतिनिधी
धडगाव तालुक्यातील खुंटामोडीचा पितीपाडा ते दाबपाणी रस्त्यावर गहाण जमीन सोडविल्याच्या रागातून एकास दगडाने डोक्यावर मारुन दुखापत केल्याप्रकरणी आठ जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगाव तालुक्यातील खुंटामोडीचा पितीपाडा येथील पिसा दोहऱ्या वळवी यांनी जंगल्या खाअल्या वळवी याच्याकडे गहाण ठेवलेली जमीन सोडवून घेतली. याचा राग आल्याने पिसा वळवी यांना जंगल्या खाअल्या वळवी याने हाताबुक्यांनी मारहाण केली.
तसेच दगड डोक्यावर मारुन दुखापत केली. यावेळी भांडण सोडविण्यासाठी आलेल्या साक्षीदारास देखील मनोज रावल्या वळवी, जयसिंग रावल्या वळवी, रावल्या खाअल्या वळवी, तिज्या खाअल्या वळवी, दिलीप सत्या वळवी, रणजित सत्या वळवी व भरतसिंग कंदऱ्या वळवी सर्व रा.खुंटामोडी ता.धडगाव यांनी शिवीगाळ करीत जिवेठार मारण्याची धमकी दिली.
याबाबत पिसा वळवी यांच्या फिर्यादीवरुन धडगाव पोलिस ठाण्यात आठ जणांविरोधात भादंवि कलम १४३, १४७, १४९, ३२४, ३२३, ५०४, ५०६ प्रमाणे गुन्हा दाखल करण्यात आला आहे. पुढील तपास पोना.दीपक वारुळे करीत आहेत.
