म्हसावद l प्रतिनिधी
शहादा तालुक्यातील धुरखेडा येथील विविध कार्यकारी सहकारी सोसायटीच्या चेअरमन पदी सखाराम सुदाम चौधरी तर व्हाईस चेअरमन पदी भालचंद्र चौधरी यांची बिनविरोध निवड करण्यात आली.
या सोसायटीच्या चेअरमन व व्हाईस चेअरमन पदाच्या निवडीसाठी नूतन संचालकांची एक बैठक घेण्यात आली त्यात चेअरमन पदासाठी सखाराम सुदाम चौधरी तर व्हाईस चेअरमन पदासाठी भालचंद्र चौधरी या दोघांनीच निवडणूक अधिकाऱ्यांकडे अर्ज सादर केले होते.
त्यामुळे त्यांची बिनविरोध निवड करण्यात आली. सखाराम चौधरी हे सलग चौथ्यांदा विकास सोसायटीच्या चेअरमन पदी निवडून आले आहेत.
यावेळी संचालकपदी मणिलाल चौधरी, रवींद्र चौधरी, नरेंद्र चौधरी, उमेश चौधरी, वामन पाटील, जयेंद्र पाटील, काशिनाथ पाटील, मणिलाल लोहार आणि महिला प्रतिनिधी शोभाबाई चौधरी, उषाबाई पाटील आदींची सर्वानुमते बिनविरोध निवड करण्यात आली.
ही निवडणूक बिनविरोध करण्यासाठी दिलीप चौधरी, उमाकांत चौधरी, रमाकांत चौधरी, पुरुषोत्तम पाटील, मधुकर चौधरी, यांनी विशेष मोलाचे सहकार्य केले.
निवडणूक निर्णय अधिकारी म्हणून घनश्याम बागल यांनी काम पाहिले तर सहाय्यक म्हणून सचिव प्रवीण खैरनार यांनी याकामी सहकार्य केले. निवड झाल्यानंतर चेअरमन सखाराम चौधरी, व्हाईस चेअरमन भालचंद्र चौधरी आणि सर्व संचालकांनी शेतकरी हिताला प्राधान्य देऊन शेतकऱ्यांसाठी शासनातर्फे सुरु असलेल्या विविध योजनांचा सोसायटीच्या माध्यमातून लाभ मिळवून देण्याचे आश्वासन दिले.
