नंदूरबार l प्रतिनिधी
नंदूरबारचे पोलिस अधिक्षक पी . आर . पाटील जिल्ह्यात कायदा सुव्यवस्थेचा राखण्याबरोबर नवनवीन उपक्रम राबवित असतात.त्याच सोबत संवेदनशील मनाचा परिचय अनेक उपक्रमामधून दिसून आला.आता पोलिस अधिक्षक नागरिकांच्या समस्या सोडविण्यासाठी जनता दरबार भरवणे आहेत.
नंदूरबारचे पोलिस अधिक्षक पी . आर . पाटील कर्तव्यदक्ष अधिकारी, चित्रकार, संवेदनशील अधिकारी अशे कितीतरी रूपे नंदूरबार जिल्ह्यातील नागरिकांना पाहायला मिळत आहेत.
प्रकाशा येथे कोरोना मूळे मृत्यू झालेल्या पत्नीचे अनुदानाचे पैसे चोरीस गेल्याने पोलिस अधिक्षक यांनी स्वतःसह कर्मचाऱ्यांकडून पैसे गोळा करीत वृद्ध यांना मदत केली होती.तसेच दोन दिवसांपूर्वी दिव्यांग व्यक्तीला मदत केली होती.
असे उपक्रम राबवित असताना जिल्ह्यातील कायदा सुव्यवस्थेबाबत नागरिकांना समस्या सोडविण्यासाठी नागरिकांच्या समस्या सोडविण्यासाठी पोलिस अधिक्षक पी . आर . पाटील यांच्या संकल्पनेतून थेट जनता दरबाराचे आयोजन करीत स्तुत्य उपक्रम राबवित आहेत.
नंदूरबार तालुका पोलिस ठाण्यात 24 मे रोजी सकाळी 9.30 वाजेला आयोजित करण्यात आला आहे.यावेळी पोलिस अधीक्षक पी . आर . पाटील यांची प्रमुख उपस्थितीत जनता दरबार भरवण्यात येणार आहे.
यावेळी अपर पोलीस अधिक्षक विजय पवार, उपविभागीय पोलीस अधिकारी , सचिन हिरे, नंदूरबार तालुका पोलिस ठाण्याचे पोलिस निरीक्षक राहुलकुमार पवार उपस्थित राहणार आहेत.
नागरिकांच्या समस्या सोडविण्यासाठी जनता दरबार आयोजित करण्यात आला असून आपल्या तक्रारीसह नागरिकांनी उपस्थित राहण्याचे आवाहन पोलिस दलातर्फे करण्यात आले आहे.
