नवापुर l प्रतिनिधी
तालुक्यातील सोनपाडा-शेही रस्त्यावर मोटरसायकल घसरल्याने तीन युवक जखमी झाले आहेत.मंगळवारी रात्री अकरा वाजेच्या सुमारास अपघात झाला.तळोदा तालुक्यातील सोमावल येथून नवापुर तालुक्यातील डोगेगाव येथे लग्नाला जात असताना अपघात झाला.
रस्त्यावरील वळणाचा अंदाज न आल्याने मोटरसायकल खड्ड्यात आदळल्याने अपघात झाला.अशी माहिती स्थानिकांनी केली आहे.
या अपघातात तळोदा तालुक्यातील सोमवेल येथील देवेश आंबलाल तडवी वय १८, निलेश तडवीसह एक जण जखमी झाले आहे. खांडबारा ग्रामीण रुग्णालयातील १०८ रुग्णवाहिकेचे पायलट मानसिंग गावीत, डाॅक्टर तुषार वसावे.यांनी प्राथमिक उपचार करून त्याला उपचारासाठी नंदुरबार जिल्हा रुग्णालयात दाखल केले.
या अपघातात देवेश तडवी, निलेश तडवी या दुचाकीस्वार च्या पायाला गंभीर दुखापत झाली आहे.त्याच्यावर प्राथमिक उपचार खांडबारा रुग्णालयात करण्यात आले तर पुढील उपचारासाठी नंदुरबार जिल्हा रुग्णालयात नेण्यात आले आहे.
दरम्यान नवापूर शहरात राष्ट्रीय महामार्ग चौपदरीकरणाचे काम सुरू आहे अर्धवट कामांमुळे नवापूर शहरात धुळीचे साम्राज्य निर्माण झाले आहे. देवळफळी,इस्लामपुरा भागात शेजारील माती रस्त्यावर येत असल्याने अनेक मोटरसायकली स्लिप होऊन अपघात होत आहेत.
या संदर्भात महामार्ग चौपदरीकरणाचे ठेकेदाराने रस्त्याच्या बाजूला असलेली माती उचलून रस्ता पूर्ववत करावा अशी मागणी नागरिकांनी केली आहे. या भागात पायी चालणारे नागरिकांना देखील याचा मनस्ताप सहन करावा लागत आहे अनेक वेळा ट्रक च्या खाली खडी आल्याने ती खडी उधळून नागरिकांना जखमी करत असल्याच्या घटना घडल्या आहेत.