नंदुरबार l प्रतिनिधी
तालुक्यातील काळंबा फाट्याजवळ रस्त्याच्या बाजूला उभ्या असलेल्या दुचाकीला भरधाव वेगातील दुचाकीने मागून धडक दिल्याने महिलेस दुखापत झाली. याप्रकरणी दुचाकी चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील हरिपूर येथील कविता दिलीप भोये व त्यांचे पती व लहान मुलगी असे तिघेजण दुचाकीने (क्र.एम.एच. ३९ के ८१०२) भादवड यात्रा येथून हरिपूर येथे दुचाकीने असतांना,
काळंबा फाट्याजवळ रस्त्याच्या बाजूला दुचाकी लावून थांबले होते. यावेळी विकास सुका पाडवी हा त्याच्या ताब्यातील दुचाकी भादवडकडून नंदुरबारकडे येत असतांना रस्त्याच्या परिस्थितीकडे दुर्लक्ष करुन भरधाव वेगात रस्त्याच्या बाजूला लावलेल्या दुचाकीला धडक दिल्याने अपघात घडला.
घडलेल्या अपघातात कविता भोये यांच्या कानाला व खांद्याला दुखापत झाली. तसेच विकास पाडी यालाही दुखापत झाली.
याबाबत कविता भोये यांच्या फिर्यादीवरुन नंदुरबार तालुका पोलिस ठाण्यात विकास पाडवी याच्याविरोधात भादंवि कलम २७९, ३३७, ३३८, ४२७ व मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोना.मुकेश ठाकरे करीत आहेत.
