नंदुरबार l प्रतिनिधी
दिवसागणिक होत असलेल्या इंधन दरवाढीकडे केंद्र शासनाचे लक्ष वेधण्यासाठी नंदुरबार जिल्हा राष्ट्रवादी कॉंग्रेसतर्फे ग्रामीण भागात चुल पेटवा आंदोलन करण्यात आले. इंधन दरवाढ बरोबरच जीवनाशक वस्तूंची दरवाढ सामान्य जनतेला न परवडणारी आहे. यामुळे गोर गरीब जनता होरपडून निघाली आहे.
राष्ट्रवादी कॉंग्रेस पार्टीचे नंदुरबार जिल्हाध्यक्ष डॉ.अभिजीत मोरे यांच्या मार्गदर्शनाखाली इंधन दरवाढीकडे केंद्र शासनाचे लक्ष वेधण्यासाठी तालुक्यातील कोळदा येथे चूल पेटवा आंदोलन करण्यात आले. तसेच केंद्र शासनाचा निषेध नोंदवत घोषणाबाजी करण्यात आली. यावेळी राष्ट्रवादी कॉंग्रेस पार्टीचे युवानेते ॲड.राऊ दिलीपराव मोरे, जिल्हा सरचिटणीस मधुकर पाटील, नंदुरबार शहर अध्यक्ष नितीन जगताप, तालुका अध्यक्ष प्रदीप पाटील, महिला शहरअध्यक्ष उषाताई वळवी, वंदनाताई मराठे, शहर युवक अध्यक्ष लल्ला मराठे, युवक तालुकाध्यक्ष सुरेश वळवी, राजा ठाकरे, विद्यार्थी जिल्हाध्यक्ष बबलू कदमबांडे, रूपेश जगताप, राहुल जगदेव, कालू पहेलवान, लाला बागवान, मोतीलाल पाटील, धनराज बच्छाव आदी कार्यकर्ते उपस्थितीत होते.