नंदुरबार l प्रतिनिधी
नंदूरबार तालुक्यातील कोपर्ली गावातील साईदर्शन ज्वेलर्स दुकान फोडुन चोरट्यांनी ३० हजाराचा मुद्देमाल लंपास केल्याची घटना घडली आहे.
याबाबत पोलिस सूत्रांनी दिलेल्या माहितीनुसार , नंदुरबार तालुक्यातील कोपर्ली गावात असलेले साईदर्शन ज्वेलर्स दुकान व त्या शेजारी असलेल्या मेडीकल दुकान चोरट्यांनी फोडले . साई ज्वेलर्सचे व मेडीकलचे शटर उचकवुन चोरट्यांनी आत प्रवेश केला . ज्वेलर्स दुकानातुन २४ हजार ६५० रु . किंमतीचा तीन ग्राम वजनाचा मोती व अमेरीकन डायमंड असलेल्या चांदीच्या एकुण १७० अंगठ्या तसेच मेडीकल दुकानाच्या गल्ल्यातुन रोख ५४०० रुपये असा एकुण ३० हजार रुपयांचा मुद्देमाल लांबविण्यात आला . चोरीची माहिती मिळताच उपविभागीय पोलीस अधिकारी सचिन हिरे , नंदुरबार तालुका पोलीस ठाण्याचे पोलीस निरिक्षक राहुलकुमार पवार आपल्या पथकासह कोपर्ली गावी पोहचले . त्यांनी चोरी झालेल्या दुकानांची पहाणी केली . श्वानपथकालाही पाचारण करण्यात आले होते , याबाबत रुपेश सुमनलाल सोनार यांच्या फिर्यादीवरुन अज्ञाताविरुध्द नंदुरबार तालुका पोलीस ठाण्यात भादवी कलम ४५७ , ३८० प्रमाणे गुन्हा दाखल करण्यात आला असुन पुढील तपास पोकॉ सुनिल अहिरे करित आहे .