ओमशांति नगरात श्रीमद् भागवत कथेत सोमवारी श्रीकृष्ण जन्मोत्सव

नंदुरबार l प्रतिनिधी
शहरातील कोरीट रस्त्यावरील ओमशांती नगर परिसरात सुरु असलेल्या संगीतमय श्रीमद् भागवत कथेत सोमवारी सायंकाळी श्रीकृष्ण जन्मोत्सवाचे आयोजन करण्यात आले आहे.
पश्चिम रेल्वेतील आरपीएफ मधून सेवानिवृत्त झालेले सहाय्यक पोलीस उपनिरीक्षक वसंत ओंकार खैरनार यांच्या सेवापुर्ती निमित्त संगीतमय श्रीमद् भागवत कथेचे आयोजन करण्यात आले आहे. या संगीतमय कथेचे निरुपण रकसवाडे येथील कथा प्रवक्ता भागवताचार्य ह.भ.प. रवींद्र पाठक गुरुजी चौपाळेकर करीत आहेत. आज सोमवार दि. 9 मे रोजी सायंकाळी 5 वाजता श्रीकृष्ण जन्मोत्सव होईल. तसेच उद्या मंगळवार दि.10 मे रोजी रात्री 8 ते 11 वाजेपर्यंत संगीतमय सुंदरकांड कथा होईल. संगीतमय श्रीमद् भागवत कथा प्रवचन दररोज दुपारी 3 ते 6 या वेळेत महात्मा ज्योतिबा फुले हायस्कूल जवळील ओमशांती नगरातील प्लॉट क्रमांक 53 येथे सुरू आहे. दरम्यान श्रीमद् भागवत कथेची सांगता बुधवार दि. 11 मे रोजी होईल.बुधवारी दुपारी 12 वाजता महाप्रसादाचे वितरण होईल.शहर व परिसरातील भाविकांनी संगीतमय श्रीमद् भागवत कथा आणि महाप्रसादाचा लाभ घेण्याचे आवाहन संयोजक वसंत खैरनार, रत्नप्रभा खैरनार, छायाचित्रकार नंदू खैरनार आणि समस्त खैरनार परिवारातर्फे करण्यात आले आहे.