धडगांव l प्रतिनिधी
धडगांव वनविभागाला मिळालेल्या गुप्त माहितीवरून वनविभागाने धडककारवाई करत अवैधपणे तोडून ठेवलेल्या सागवनच्या 24 दांड्या जप्त केल्या. सदर सागवनी दांड्या कात्री येथील (नलदापाडा )कक्ष क्रमांक 189 च्या लगत अवैधपणे तोडून रस्त्याच्या कडेला वाहतुकीच्या उद्देशाने आणून ठेवलेल्या मिळून आल्या.
सदर ठिकाणी शोध घेतले असता कोणताही इसम मिळून आले नसल्याची माहिती वनविभागाने दिली. सदर दांड्या 0.61घनमीटर असुन 12 हजार 88 रूपये किमतीचे आहेत. शासकीय वाहनाने धडगाव टिंबर डेपोत जमा केले आहेत. याबाबत वनपाल माकडकुंड यांनी प्र.रि.क्र.02/2022-23 चा गुन्हा नोंदविला.सदर कार्यवाही म.उपवनसंरक्षक नंदुरबार के.बी.भवर, सहाय्यक वनसंरक्षक (रो.ह.यो.) अक्राणी एस.डी.साळुंखे यांच्या मार्गदर्शनाखाली, वनक्षेत्रपाल अक्राणी( प्रा.) ए.एस.पिंगळे यांच्या नेतृत्वाखाली वनपाल माकडकुंड बी.एम.परदेशी, वनरक्षक अकवाणी आर.झेड.पावरा, वनरक्षक पिंपरी जी.बी.तडवी,वनरक्षक धडगाव ए.एस.पाडवी, वनमजूर मगन पटले, बिजला वळवी यांनी केली.
