खापर l प्रतिनिधी
खापर हुन लांबपल्ल्याच्या एकही बस नव्हत्या त्याअनुषंगाने शिवसेनेकडून अक्कलकुवा आगाराला खापर येथून लांबपल्ल्याच्या बसेस सुरू कराव्यात म्हणून निवेदन देण्यात आले होते. यावर अक्कलकुवा आगारव्यवस्थापक आर.आर. फुलपगारे यांनी निवेदनातील मागण्या मान्य करून आश्वासन दिल्याप्रमाणे खापर येथून खापर ते कल्याण व खापर ते जळगाव ह्या दोन बसेस सुरू करण्यात आल्या आहेत.
सदर कल्याण ही बस खापरहून सकाळी 6 वाजता सुटेल तर कल्याणहून सायंकाळी 7:30 वाजता निघेल तसेच जळगाव हि बस खापरहून 6:30 वाजता सुटेल तर जळगावहून दुपारी 2 वाजता निघेल सदर बसेसचा शुभारंभ आगार व्यवस्थापक फुलपगारे यांच्याहस्ते नारळ वाढवून करण्यात आला यावेळी एच. सि .सूर्यवंशी ,कल्याण बसचे चालक के.आर.मोरे, वाहक एन.बी.राठोड जळगांव बसचे चालक डी .आर.पाडवी,
वाहक एस.एस.जोगदंड,गावातील प्रतिष्ठित नागरिक,खपरचे माजी उपसरपंच तथा युवासेनेचे जिल्हाप्रमुख ललित जाट, वृत्तपत्र विक्रेते अरुण शिंपी ,पत्रकार अरुण मोरे, मिलिंद गुलाले,मनोज चौधरी,व प्रवाशी उपस्थित होते यावेळी आगारव्यवस्थापक फुलपगारे यांनी सांगितले की खापरहून शक्य तेवढ्या लांबपल्ल्याच्या बसेस सुरू करण्याचा प्रयत्न आहे यामुळे प्रवाशी वर्गात व येथील नागरिकांमध्ये आनंदाचे वातावरण पसरले आहे.