नंदूरबार जिल्ह्यातून चार दुचाकी लंपास

नंदुरबार l प्रतिनिधी
नंदूरबार शहरातून दोन, शहादा शहरातील एक व विसरवाडी गावातून एक अशा चार दुचाकी चोरट्यांनी लंपास केल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार येथील निखिल दौलत खलाणे यांच्या मालकीची दुचाकी (क्र.एम.एच.३९ एम ४१४३) लालबाग कॉलनीतून व नंदुरबार तालुक्यातील केवडीपाडा येथील राकेश कांतीलाल सुर्यवंशी यांच्या मालकीची दुचाकी (क्र.एमक.एच.१८ एक्स ७४३१) बस स्थानक परिसरातून चोरट्यांनी लंपास केली. याबाबत नंदुरबार शहर पोलिस ठाण्यात अज्ञातांविरोधात भादंवि कलम ३७९ प्रमाणे गुन्हा दाखल करण्यात आला आहे. तर शहादा येथील चेतन विजय पटेल यांच्या मालकीची दुचाकी (क्र.एम.एच.१२ पीएल ६०७७) शहादा शहरातील विजय कॉम्प्लेक्समागील परिसरातून चोरट्याने चोरुन नेली. याबाबत चेतन पटेल यांच्या फिर्यादीवरुन शहादा पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक सुनिल पाडवी करीत आहेत. तसेच नवापूर तालुक्यातील विसरवाडी येथील रमजान उस्मान शेख यांच्या मालकीची दुचाकी (क्र.एम.एच.३९ आर ५८१५) विसरवाडी गावातून चोरट्याने लंपास केली. याबाबत रमजान शेख यांच्या फिर्यादीवरुन विसरवाडी पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक दिलीप गावित करीत आहेत.