नंदुरबार l प्रतिनिधी
गुरुवारी यंदाच्या उन्हाळ्यातील सर्वोच्च नोंद करण्यात आली.गुरुवारी सरासरी 45.2 अंश सेल्सिअस इतक्या तापमानाच्या पाऱ्याची नोंद करण्यात आल्याची माहिती कृषी विज्ञान केंद्राच्या हवामान केंद्रातर्फे स्पष्ट करण्यात आले आहे.दरम्यान काल दि.२७ एप्रिल रोजी
नंदुरबारात 44.3 इतक्या तापमानाची नोंद करण्यात आली होती.
नंदुरबार जिल्ह्यात गेल्या दोन दिवसांपासून तापमानाचा पारा वाढला आहे.दरम्यान यंदा मार्चपासूनच तापमानाचा पारा चाळीशी पार झाला आहे. गेल्या तीन दिवसांपासून 42.3 अंश सेल्सिअस तापमानाची नोंद करण्यात आली होती. काल दि. 28 रोजी तब्बल 45.2 अंश सेल्सिअस तापमानाची नोंद झाली.जिल्हयात सन 1958 मध्ये एप्रिल महिन्यात 45.6 अंश सेल्सिअस तापमानाची नोंद करण्यात आली होती.तर आता काल दि.28 एप्रिल रोजी 45.2 अंश सेल्सिअस इतक्या तापमानाची नोंद करण्यात आल्याचे कोळदा कृषी विज्ञान केंद्राचे कृषी हवामान शास्त्रज्ञ सचिन फड यांनी सांगितले.दरम्यान वाढत्या उष्णतेने जनजीवन विस्कळीत झाले आहे. मुख्य चौक आणि रस्त्यावर शुकशुकाट दिसून आला.आणखी काही दिवस तापमान कायम राहणार असून अजून तापमान अजून वाढण्याची शक्यता असल्याचे कृषी हवामान केंद्रातर्फे सांगण्यात आले. शेतकऱ्यांनी स्वतःची व पशुधनाची काळजी घेण्याचे आवाहन करण्यात आले आहे.
