नंदुरबार l प्रतिनिधी
संत गाडगेबाबा ग्रामस्वच्छता अभियान सन 2019-20 अंतर्गत राष्ट्रसंत तुकडोजी महाराज स्वच्छ ग्राम स्पर्धेत जिल्ह्यात प्रथम व द्वितीय आलेल्या श्रीरामपूर ता. नंदुरबार व खेडदिगर ता. शहादा या ग्रामपंचायतीची विभागस्तरीय समिती मार्फत तपासणी करण्यात आली .
संत गाडगेबाबा ग्रामस्वच्छता अभियान सन 2019-20 अंतर्गत जिल्हा परिषदेच्या अध्यक्षा अँड. सीमा वळवी व मुख्य कार्यकारी अधिकारी रघुनाथ गावडे यांच्या मार्गदर्शनाखाली अभियानात उत्कृष्ट काम करणाऱ्या ग्रामपंचायतीची जिल्हास्तरिय समितीने तपासणी केली होती . या तपासणीत जिल्हा स्तरावर श्रीरामपूर ता. जि . नंदूरबार यांना प्रथम क्रमांक तर व्दितिय क्रमांक खेडदिगर ता. शहादा जिल्हा नंदुरबार तर यांना तर तृतीय क्रमांक राजमोही ता . अक्कलकुवा या ग्रामपंचायतीस मिळाले आहे.
जिल्हास्तर संत गाडगेबाबा ग्रामस्वच्छता अभियानात प्रथम व व्दितीत येणा-या ग्रामपंचातीची निवड विभागस्तरावर राष्ट्रसंत तुकडोजी महाराज स्वच्छ ग्राम स्पर्धेकरीता करण्यात येते. संत गाडगेबाबा ग्रामस्वच्छता अभियान सन 2019-20 अंतर्गत राष्ट्रसंत तुकडोजी महाराज स्वच्छ ग्राम स्पर्धेकरीता जिल्ह्यातील श्रीरामपूर व खेडदिगर यांची निवड करण्यात आली आहे. या ग्रामपंचायतीची प्रकल्प संचालक जिल्हा ग्रामीण विकास यंत्रणा अहमद नगर सुनील पठारे , लेखाधिकारी उदय कुलकर्णी यांच्या सामिती ने तपासणी केली .
यावेळी समिती मार्फत शाळा , अंगणवाडी , पिण्याचे पाण्याचे स्त्रोत , घन कचरा व सांडपाणी व्यवस्थापन आदी कामांची पाहणी केली . योवळी समितीचे अध्यक्ष सुनील पठारे यांनी उपस्थित ग्रामस्थांना मार्गदर्शन केले. या प्रसंगी पाणी व स्वच्छता विभागाचे प्रकल्प व्यवस्थापक सुनील पाटील , कैलास कांजरेकर , विस्तार अधिकारी सुरेश देवरे , भरत निकुंभे , दिंगबर बेलदार . मनोज देव भैय्यासाहेब निकुंभ . अभियंता हरिष भोई . महेंद्र नाईक खेड दिगर च्या माजी सरपंच श्रीमती मुसळदे , श्रीरामपूर चे माजी सरपंच शत्रुघ्न गांगुर्डे ग्रामसेवक अरुण गवळे ग्रामसेविका रूपाली देवरे आदी सह ग्रामस्थ व पदाधिकारी उपस्थित होते .