नंदुरबार l प्रतिनिधी
येथे धर्मवीर छत्रपती संभाजी महाराज यांचा जीवनचरित्रावर सत्य इतिहासावर आधारित जाहीर व्याख्यान आयोजित केले आहे. रविवार दि. १७ एप्रिल रोजी सायंकाळी ६ वाजता डी.आर. हायस्कूल मैदान, नंदुरबार येथे होणार आहे. प्रमुख वक्ते म्हणून हिंगणघाटचे राजा महाराज शेंडे यांचे मार्गदर्शन लाभणार आहे.
संभाजीराजांनी धर्मांतर केल्यास जीवदान देण्याची अट औरंगजेबाने घातली. मात्र, संभाजी राजेंनी त्याला स्पष्टपणे नकार दिला. त्यानंतर औरंगजेबाने त्यांना क्रूरपणे ठार मारायचा आदेश दिला. सुमारे ४० दिवसांपर्यंत असह्य यातना सहन करूनही छत्रपती संभाजीराजांनी धर्मनिष्ठा आणि स्वराजनिष्ठा सोडली नाही.अचाट धैर्य, अजोड पराक्रम, असमान्य शौर्य, प्रयत्नांची पराकाष्ठा, अनेक भाषांवर प्रभुत्व, संस्कृत पंडित, धर्माभिमानी, व्यासंगी, आदर्श महावीर, समाजकारण, राजकारण, अर्थकारण, धर्मकारण अशा अनेक क्षेत्रात आपले निर्विवाद वर्चस्व गाजवणाऱ्या छत्रपती संभाजी महाराज यांच्या जीवनचरित्रावर सत्य इतिहास व्याख्यानाचा माध्यमातून मांडण्यात येणार आहे तरी या कार्यक्रमास मोठ्या संख्येने उपस्थित राहावे असे आवाहन हिंदु सेवा सहाय्य समितीने केले आहे.
