खापर l प्रतिनिधी
अक्कलकुवा येथील दाजीबा पेट्रोल पम्प जवळ शिवसेना व युवासेनेच्या वतीने केंद्र सरकारच्या जीवनावश्यक वस्तूंच्या दरवाढ़ीच्या निषेधार्थ मिठाई वाटून उपहासात्मक आंदोलन करण्यात आले.
संपूर्ण महाराष्ट्रात एकाच वेळी केंद्र सरकारच्या पेट्रोल, डीज़ल, गेस सिलेंडर व ईतर जीवनावश्यक वस्तूंच्या दरवाढी आणि महगाई विरोधात थाळी वाजवून व मिठाई वाटप करुन केंद्रातील भाजपा सरकार विरोधात आभार मानण्याचे उपहासात्मक आंदोलनाचे आयोजन करण्याच्या सुचना दिल्या होत्या त्या पार्श्वभूमीवर अक्कलकुवा येथे शिवसेना नंदुरबार जिल्हाप्रमुख आमश्या पाडवी यांच्या नेतृत्वा खाली दाजीबा पेट्रोल पंप वर उपहासात्मक आंदोलनाचे आयोजन करण्यात आले. यावेळी केंद्र सरकारच्या विरोधात निदर्शने करण्यात आली व विविध घोषणा देत केंद्र सरकारचा निषेध करण्यात आला. या वेळी युवासेना जिल्हा प्रमुख ललित जाट यांनी उपस्थितांना सदर आंदोलनाची सविस्तर माहिती देत. सर्वसामान्य जनतेला महगाई च्या आगीत झोकून मारणाऱ्या केंद्र सरकारच्या धोरणाचा निषेध नोंदविण्यात आला. यावेळी जि. प. सदस्य किरसिंग वसावे, जिल्हा संघटक लक्ष्मण वाडिले जिल्हा उपसंघटक मधुकर मिस्तरी,शिवसेना तालुका प्रमुख जयप्रकाश परदेशी, उपतालुका प्रमुख तुकाराम वळवी, ग्रा. पं. सदस्य जगदीश चित्रकथी, छोटू हाश्मी, पृथ्वीसिंग पाडवी, सिंधु वसावे, सरला वळवी, संगिता पंजराळे, रविंद्र चौधरी, जसराज पवार,किरण भावसार, ,जी.डी.पाडवी,इश्वर तडवी,प्रकाश खींची, आश्विन सोनार, पार्थ लोहार, जमील बलोच हाफिज मकरानी शिवसैनिक गोलू चंदेल शिवसेना व युवासेना व युवतीसेना, विद्यार्थी सेना, महिला आघाडी, वाहतूक सेना सर्व शिवसेना अंगिकृत संघटनेचे पदाधिकारी व शिवसैनिक मोठ्या संख्येने उपस्थित होते. आंदोलन यशस्वीते साठी जिल्हा समन्वयक रोहित चौधरी, शहर प्रमुख रवि चंदेल आदीनी परिश्रम घेतले.
